شعر عضونا الفعال جمال..

samia · من طرف samia في الإثنين أكتوبر 13, 2008 2:08 pm

كيبغو امشو كيف الغزلان

مول الكابريون افرشولو ريش النعمان

والمسكين ما ايعرفوه الحو ليه السهام

سير ما عندا وقتك عندنا كليان

الحقوق اولات كتباع بضيامان

والبوبري في العذاب عايش فالاشجان

الشباب انسا الدين ماشي مع الالحان

البنات كيغنو بصوت الحصان مع هيفاء او نانسي عجرم

ما يقروا سورة النساء انساوا اية الرحمان

الرضيع كيحلم بالطاليان

التلميذ احرق المقرر ناوي الهجران

الفقيه انسى سورة اللقمان اعقلو فالاسبا ن

الرشوة اولات راية كترفرف فالطرقان

اصبحات لغة فالادارات مصبوغة فالجدر

امكتوبة فالعيون اللي كطل غير فالجيوب

اعرفوك بالهندام اشموك ابحال الخرفان

بيعنا كرامتنا اطمعنا بالعسل فالاعداء

ولينا اسيوف انقطعوا روس خوتنا

اولينا امقص فيد العدو اقطع جوذورنا

اهدوا لنا عين الشيطان لهاونا بمادونا

اشغلونا بالدربوكة انساو لنا اصلنا

ولينا تايهين فالدنيا انسولو روسنا

واش احنا نصارى ولا مسلمين غير بسميا

قصيدة شعرية

أشخصاك آلعريان خاصني لخواتم

حالة البلاد ماهي حالة اتبكي الحجر والحصى

المستشفيات ولات زريبة احسن منها

العنكبوت فالجدران دارت الامبراطورية

الله اوعلم ملي ابناوها ما طلات عليها الشطابة

الى دخلتلها بصحتك اتخرج مريض بالحساسية

واللي دخل ادوا اتزاد عليه الحالة

اوملي اتسولهوم اعلى المشاريع التنموية

اقولوا باغيين انجيبوا قطار السرعة

باغيين ادروا من مراكش لطنجة ساعة وستين دقيقة

الملايير باغيين اخسروها وما داروا لحساب لشي كصيدة

ايمكن اتجي شي بقرة تايهة دخل فالسكة الحديدية

اسحابلها اطريق اللي ماشيا الحظيرة

هي اترجع كفتة هو افسخوه ابياسة ابياسة

اولا المغرب فيه المفكرين والفلاسفة

ابنوا شي حيط من المدينة المدينة

يربط بين مراكش وطنجة

باش يمشي التيجفي فالامان والسلامة

اوا ابنوا غير ديور البوهالا

باش اتخبعوا من البرد و اشتا

احسن ما الضيعوا اللاجور والحديد والسيما

اولا هاد الفئة حتى هي مهددة

كيفكروا اديروا الاسلحة النووية

غادي ادوروا لاراف اعلى الازبال والنفايات

ولكن هادوا ما معاهوم الفهامة

يمكن اديروا شي اضرابات عنيفة

ماتصلح معاهوم الهراوا ما يخافوا من الزرواتا

انظموا شي مظاهر اطالبكوم بالقشور د مطيشةو البطاطا

البلاد اعريانا اهوما افكروا البسولوا الخاتومة

اوا صلحوا غير المصابيح د المبنى السلطة التشريعية

و انقدوا المجازين من البطالة

اولا اخسهوم شهادة اخرى باش اضمنوا الوظيفة العمومية

الشهادة اللولا اجيبها من الجامعة

و الشهادة التانية خصو ا اجيب الدليل بلي عايش ف البطالة

او باش اتحصل عليها خصك تمشي العاصمة الادارية

اوقف قدام البرلمان فالصفوف الامامية

ربط رجلك وخبي وجهك باش ما تجي فيك شي ضربة

ادوروا معاك المحضر فالكوميساريا

اخرجوك حامل لشهادة البطالة

اتسنا واح عشرين سنة باش اعيطولك تدوازالمبارة

[u]لاحصائيات المغربية

[/u]اسمعوا يا الحباب اسمعوا يا الجيران

اخر الاخبار فالجرائد والتلفزة والاعلام

الاحصائيات المغربية جايا على الابواب

من البيراوات و الادارات اخرج جيش التتار

ما اعندو ارصاص و لا سلاح

غير استيلو البيك و الدفتار

ما خلاوا اجبل زاروا في ما كان شي دشار

او فالمدينة اتسراو ما اخلاو حتى دار

ادورو من لدار لدار اتخلصو بالدولار

احسبو الغرف اسولو شحال كاين هنا من الخليقة

ياك المغاربا اخلقو بالالاف كل سنة

هالي سجلوه فكناش د الحالة المدنية

او كاين اللي اجبر راصو اتشمكر فالزنقة

ما عارف الباه ولا امو ولا اصلو منين جا

الاحصائيات كلفات اموال من الميزانية

او المعاقين دارو اضراب طالبين بالحقوق و الهنا

و المجازين شي اموت فالبحار

اوشي ياكول السراف قدام مبنى السلطة التشريعية

اطمعوا الشعب فالمستقبل غادي ازيان

والمرحاض داروه محل السكنى فالبطاقة الوطنية

الاحصائيات داروها رادار باش اعرفوا الحقيقة

باغيين اعرفوا الشعب كيف ماشي معا المعيشة

واش عايشب بخوبزة ولا جوج معا الفورمجة

اعلى هاد الشي لتر الزيت ادير الف اوربعمية

اللي عندو خوبزة اقسمها على اربعة

اربع عيش به انت والعائلة

والباقي اراه اهنا

باش اتخلص الضريبة

اعندك الدوشا والنميريك او كوزيا

منقول من موقع جمال

Maryam · من طرف Maryam في الثلاثاء أكتوبر 14, 2008 6:04 pm

شكرا لنقلك إياه في هذه النافذة و مزيدا من الجهد.

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

شعر عضونا الفعال جمال..

شعر عضونا الفعال جمال..

رد: شعر عضونا الفعال جمال..